Este ano a escritora homenaxeada nas LETRAS GALEGAS é MARÍA VICTORIA MORENO.
Mª Victoria Moreno Márquez naceu na
vila de Valencia de Alcántara, na provincia
de Cáceres no ano 1939.
Era filla de Vicente, militar, e Sara, mestra.
Os estudos de bacharelato fíxoos en
Barcelona e os universitarios en Madrid.
Cando tiña 22 anos trasladouse a a
Galicia para traballar de profesora de instituto
en Lugo, Sanxenxo e Pontevedra.
No ano 1973 publicou a súa primeira
obra en galego, «Mar adiante», na que conta
a historia dos nenos e nenas dunha escola
a bordo dun barco. Os debuxos da primeira
edición deste libro foron realizados por ela
mesma.
Dous anos despois gañou o 1º Premio
do Concurso Nacional de Contos Infantís
de «O Facho».
Durante a súa vida escribiu moitísimos
libros en galego para os máis pequenos.
A súa obra infantil que máis lle gustaba
era «Leonardo e os fontaneiros», na que
conta as historias que lle suceden a un neno
chamado Antón e a un can, Leonardo.
Este ano a Real Academia Galega adí-
calle o Día das Letras polos libros que escribiu
e pola defensa do noso idioma.
Aqui tedes as seguintes ligazóns con materiais e recursos para traballar nas aulas a autora.Ademais na biblioteca contades cunha exposición de libros da autora que podedes ler nos recreos ou nas horas de titoria.
A Asesoría de Bibliotecas elaborou un material elaborado arredor de varios títulos da autora,María Victoria Moreno.Trátase dunha selección de títulos que se vinculan, a modo de "constelación literaria" con outros libros referenciais da literatura infantil e xuvenil galega, en base a distintos criterios (temática, personaxes comúns e outros). Para cada un dos títulos de María Victoria Moreno, hai ademais un espazo baleiro dispoñible que convida a continuar estas propostas.
Mª Victoria Moreno:"A festa do faiado". Editorial Galaxia.
Fuxan os Ventos regresa Co gallo do Día das Letras Galegas, o emblemático e histórico grupo de folk galego musica o poema Lúa de Prata, de María Victoria Moreno.
No hay comentarios:
Publicar un comentario